Prepozision

Enn prepozision se enn mo invaryab (li pa sanz form) ki kre enn lien ant bann mo/group mo dan enn fraz.

Ena plizier prepozision, par exanp:

Dan, lor, avek, par,...

Group prepozisionel

Enn group prepozisionel se enn group mo ki koumans par enn prepozision. 

Par eg. 

1. Li pe asiz lor sez. 

Group prepozisionel = lor sez

2. Mo pe manz avek enn fourset.

Group prepozisionel = avek enn fourset 

(Enn prepozision pa kapav existe dan enn fraz si pena nanye ki vinn zis apre li) 

Fonksion enn group prepozisionel

Enn group prepozisionel se konpleman dan enn fraz. Li azout enn linformasion lor sirkonstans ki enn eta, enn aksion ou enn evennman pe okazione:

1. Lespas

2. Letan 

3. Manier 

4. Mwayin

5. Koz

6. Akonpagnman

etc... 

Kriter	Prepozision	Exanp
Lespas	Akote ar / ek	Li pe asize akote ar so kamarad.
Rezon	Akoz	Lekol inn fini boner akoz lapli toransiel.
Akonpagnman	Avek	Mo finn partaz mo gato avek li.
Letan	Dan	Mo pou ariv dan trwa semenn.
Mwayin	Par	Li pe vinn lekol par bis.
Apartenans	Pou	Sa gato-la pou twa.