Skip to main content

Verb : bann verb varyab ek invaryab

Enn verb determinn enn aksion, enn eta ou enn evennman, selon maniel 'Kreol Morisien Grade 9'. 
An Morisien, bann verb pa akord an zar ek an nonb. Se enn marker letan, mod ou laspe ki inform nou si laksion-la finn fini arive, pe arive ou pankor arive.

An KM, bann verb divize an de group:
(i) bann verb varyab
(ii) bann verb invaryab

(I) Verb Varyab
Enn verb varyab se enn verb ki ena plizier form. An KM, enn verb varyab ena enn form long ek enn form kourt. (Zeneralman, form long la idantik a form infinitif). 
Eg. Verb manze : 
Form long : manze
Form kourt : manz

Eg 2. Verb sante:
Form long : sante
Form kourt : sant

(II) Verb Invaryab
Enn verb invaryab se enn verb ki pa sanze. Savedir ki li  res dan so form infinitif. 
Eg. Verb kwi

Eg 2. Verb lir

Comments

Post a Comment

Popular posts from this blog

IN ek EN

Ena 2 manier pou ekrir son (in)  Swa nou ekrir li [ i+n ], swa nou ekrir li [ e+n ]. Zeneralman, nou reprezant sa son-la par "in", p ar exanp: Malin, rekin, plin Toutfwa, ena 3 exepsion kot nou pou itiliz (en): I. Kan ena enn “i” devan son-la: Par exanp: morisien, mazisien, mekanisien II. Kan ena enn”g” apre son-la: Par exanp: zepeng, monoleng III. Kan nou bizin fer son enn / kan nou pe fer referans a abitan enn landrwa: Par exanp: lapenn, morisienn, mazisienn, senn
Post a Comment
Read more

Sinonim

Enn sinonim se enn mo/group mo ou expression ki ena mem sans, mem sinifikasion avek enn lot  mo/group mo ou expresion. (i) Sinonim mo: Par eg.  (a) Leve – diboute/deboute (b) Ekoute – tande (c) Insek – bebet (ii) Sinonim group mo: Par eg.  Toutswit – aster-la (iii) Sinonim expresion: Par eg.  Badine – fer riye
Post a Comment
Read more

Antonim

Enn antonim se enn mo ki ena enn sans opoze/kontrer ar enn lot mo.  Par eg : Gran – tipti Bon – move Zoli – vilin Exersis   : Apartir lalis swivan, ekrir antonim bann mo dan sa lexersis-la: Ordone, malin, plore, initil, premie, laper, zenn, normal, pares, distre Kouraz –  Itil -  Dezordone -  Debrouyar -  Vie -  Atantif -  Dernie -  Bet -  Etranz -  Riye - 
Post a Comment
Read more