Bann reg lortograf Kreol Morisien

Lortograf Kreol Morisien

1. Pena aksan.

(Sof si se enn nom prop: nom enn dimounn/zanimo ou nom enn landrwa

Par exanp: Cédric, Noël)

2. Nou pa itiliz let c,h,q

(Sof si se enn nom prop: nom enn dimounn/zanimo ou nom enn landrwa

Par exanp: Cédric, Quentin, Hélène, Chamarel)

(Ena lezot exepsion kot nou pou servi let c. Nou pou dekouver zot dan bann prosin leson) 

3. Pou reprezant son [s] = nou servi let s

Par exanp: Sorbe, serpan, sokola

4. Pou reprezant son [z] = nou servi let z

Par exanp: Ziromon, zournal

5. Pou reprezant son [k] = nou servi let k

Par exanp: Karot, kamera

6. Let (e) fer son "é" an KM

Par exanp: Elefan, lape, lapes

7. Pou reprezant son [f] = nou servi let f

Par exanp:Telefonn, plafon

8. Pou reprezant son "ye" = nou servi let y

Par exanp: Lapay, lapey, payason

9. Pou reprezant son [w] = nou servi let w

Par eg. Lalwa, pwason