Skip to main content

Posts

Fraz sinp ek fraz konplex

(I) Fraz sinp Enn fraz sinp ena enn GN + enn verb (avek ou san konpleman). Eg: 1. Sam( size ) pe al( verb ) lekol( konpleman ). 2. Sam( size ) pe ale( verb ). (II) Fraz konplex Enn fraz konplex kontenir plis ki enn verb (e parfwa plis ki enn GN).  Enn fraz konplex existe sou trwa form: 1. Fraz konplex par zixtapozision 2. Fraz konplex par kordinasion 3. Fraz konplex par sibordinasion
Post a Comment
Read more
Recent posts

Tip fraz

(I) Fraz deklaratif Nou servi sa tip fraz la: (a) pou enons kiksoz ki nou konsider vre,  (b) pou konstat kiksoz,  (c) pou donn nou lopinion lor kiksoz. (II) Fraz interogatif Nou servi sa fraz-la pou poz enn kestion apartir enn fraz deklaratif.  [avek enn pwin dinterogasion alafin]  (III) Fraz exklamatif Nou servi enn fraz exklamatif pou indik enn lemosion ki pe akonpagn seki nou pe dir (lakoler, lazwa, latristes,...)  [avek enn pwin dexklamasion alafin]  (IV) Fraz inperatif Nou servi enn fraz inperatif pou donn enn lord. [pou kre enn fraz inperatif, nou pa met size devan verb-la] 
Post a Comment
Read more

Form fraz

Enn fraz ena 2 form: 1. Form afirmatif 2. Form negatif (nou pou servi bann formil negasion)  Tip fraz Ena 4 tip fraz: 1. Fraz deklaratif 2. Fraz interogatif 3. Fraz exklamatif 4. Fraz inperatif Toule 4 tip fraz kapav dan forn afirmarif ou negatif. 
Post a Comment
Read more

Adverb

Kontrerman a enn azektif ki aksantie leta enn nom, enn adverb   donn plis linformasion lor leta enn nom, enn verb, enn azektif ou enn fraz, selon so kategori. (I) Adverb manier Enn adverb manier  donn enn linformasion lor manier ki enn aksion deroule ou manier ki enn dimounn azir. Eg. Li koz brit kan li ankoler. (II) Adverb lokatif Enn adverb lokatif indik enn landrwa.  Eg. Li pe ger deor . (III) Adverb tanporel Enn adverb tanporel donn enn lindikasion lor moman ki enn evennman finn pase, kantite letan enn evennman finn pran, kantite fwa enn evennman deroule.  Eg. Li ti vini resaman. Eg2. Sam pou res lontan . Eg3. Mo al sinema souvan . (IV) Adverb degre Enn adverb degre indik enn kantite . Eg. Li extra kontan mwa.  Eg2. Sophie bien zoli. Eg3. To pou al pli vit. 
Post a Comment
Read more

Prepozision

Enn prepozision se enn mo invaryab (li pa sanz form) ki kre enn lien ant bann mo/group mo dan enn fraz. Ena plizier prepozision, par exanp: Dan, lor, avek, par,... Group prepozisionel Enn group prepozisionel se enn group mo ki koumans par enn prepozision.  Par eg.  1. Li pe asiz lor sez .  Group prepozisionel = lor sez 2. Mo pe manz avek enn fourset . Group prepozisionel = avek enn fourset  (Enn prepozision pa kapav existe dan enn fraz si pena nanye ki vinn zis apre li)  Fonksion enn group prepozisionel Enn group prepozisionel se konpleman dan enn fraz. Li azout enn linformasion lor sirkonstans ki enn eta, enn aksion ou enn evennman pe okazione: 1. Lespas 2. Letan  3. Manier  4. Mwayin 5. Koz 6. Akonpagnman etc...    Kriter   Prepozision   Exanp  Lespas  Akote ar / ek  Li pe asize akote ar so kamarad.   Rezon  Akoz  Lekol inn fini boner akoz lapli toransiel.   Akonpagnman  Avek ...
Post a Comment
Read more

Konzonksion

Enn konzonksion permet nou zwenn 2 mo, group mo, propozision ou fraz ansam pou montre enn lien ant toulede.  Ena 2 kategori konzonkion: (I) konzonksion kordinasion Enn konzonksion kordinasion se enn mo ki relie de mo/ group mo/ propozision ki ena mem fonksion.  Sa kategori konzonksion la kapav relie: 1. De size Eg. Sam ek Laura pe vini.  Eg2. Brigitte ou Pierre pou vini.  2. De atribi size Eg. Li bien zoli ek trankil.  Eg2. Li ni zoli ni trankil.  3. De propozision indepandan Eg. Li ti vini ek li ti koz avek mwa.  Eg2. Li ti vini me li pa ti koz avek mwa.  Bann konzonksion kordinasion se: (a) e (b) me (c) oubien (d) ouswa (e) ou (f) ek (g) ni (h) swa (II) konzonksion sibordinasion Enn konzonksion sibordibasion se enn mo ki introdir enn propozision sibordone . Li konbinn de "fraz sinp". Premie-la se nou propozision prinsipal e deziem-la se nou propozision sibordone. Sa kategori konzonksion la kapav insit: 1. Enn rezilta Eg. Mo pou donn tw...
Post a Comment
Read more

Fonksion

Fonksion enn mo/group mo determine par rol ki li zwe dan enn fraz.  (I) Size Dan enn fraz, enn size se eleman ki a lorizinn enn aksion, enn eta ou enn evennman.  Eg.  Sam pe zwe boul.  Size = Sam (II) Konpleman Obze Direk (KOD)  Eg. Sam pe zwe boul .  (III) Konpleman Obze Indirek (KOI)  Eg. Sam pe zwe avek Sarah .  (IV) Konpleman Obze Segon (KOS)  Eg. Sam pe zwe boul avek Sarah .  (V) Epitet Se enn azektif kalifikatif ki apartenir a enn group nominal .  Eg. Enn zoli tifi pe zwe boul.  (VI) Atribi size Se enn azektif kalifikatif ki apartenir a enn group verbal .  Eg. Sa tifi-la paret zoli .  (VII) Konpleman sirkonstansiel Eg. Li pe vinn par bis . 
Post a Comment
Read more